Get Adobe Flash player

لحن القصيد

 

على وجه المسا الكالح نسجت من الجروح البوح
                             شعور الياس من جرب شعور الفقد يشعر به
بعد ما غبت يا حلم الحياة وقلت لي بروح
                             وانا مقيد مع الاوهام والافكار مضطربه
اسامر لمة طيوفك وشوقي في سماك ايلوح
                             يا ضيقة خاطري والشوق يمطرني على دربه
تسريني طواريك وهمي فالضلوع يفوح
                            حزين ولا عتقت من السهر والدمع والغربه
خذيت بغيبتك ضحك من السنين وقلت لك مسموح
                            وتقفتني مضارب غيبتك بالسيف والحربه
اهجرس كل ماغنا على اغصاني حمام الدوح
                           واغني لك وصوت اللوم يسرقني واجاهربه
يقاومك الوله لا من تذكر صوتك المبحوح
                            على ظلم الزعل مافيه لك عذر اتعذر به
لو اني اغرق بظلمك ترى منت بسفينه نوح
                             فمان الله ودروب السعد فالك عن الكربه
عطيتك قلب عمر لك بدربي من غلاك اصروح
                               يصاحبه الغلا والود من شرقه الا غربه
وسكنت بوسط روح في وفاها ما بعدها روح
                                وقربتك وغيرك مانبيه ولا نبي قربه
قلايد شعري بعنق الغياب الها بريق وضوح
                              تباهت فيك واحساس الوله طيرت لك سربه

                                                                                عبدالله بن جريان

 



 

يقف بي التفكير لا خيم الشوق
                              وادري وصالك صعب مانيب وياه
لا حل طيفك غبت وان غبت ما افوق
                               الا على كموم بدمعي مملاه
اصافحك ذكرا واعانقك محروق
                              واسريك ليل بين وجدي وغبناه
لا قلت عن همي بسوق القدم سوق
                            تصغر بعيني فسحة الكون وارجاه
من وين ما داجت خطاوي ملحوق
                            وباب الوله يرسم طريق المعاناه
يمر ليلي عمس خاطر ومخنوق
                        الهم سنت رمح والصدر مرماه
خابرك خابر بني احن واتوق
                         وانت تصنع معي الاا مبالاه
كابرت من لاشي يا احب مخلوق
                     وعرضتني صحرا ورمضا ومضماه
حلم الوصل عمره من العمر مسروق
                        وعمري فدا عن يوم معك اتهناه
مال الفرح لهفه ولا للزمن ذوق
                       ما عاد به شي واقول اتمناه
كنت الحياة اللي بها العيش مرموق
                     قبل لالحن حيرتي واعزف الاه
وكنت القبال اللي ليا شفته اروق
                      قبل يدور الوقت واذوق فرقاه
وكنا وكنت وكانت ايام تشوق
                  قبل لا قولك شعر والناس تقراه
                                                                                          سلطان بن نايف



 

عفت حلو المنام و شفت مالا آستطيع
‏ليه الاحباب دايم تجرح آحبابها
‏صرت آعيش بـ جفاف وكنت اعيش بـ ربيع
‏ما هقيت الجروح اوفى من آصحابها

                                                                                              ضاري البوقان 



 

‏على كثر ما احبّك وماتمنّيت
‏يوم اللقى دايم معاذيره كثار!
‏خل الصدف تجيبنا دون توقيت
‏عشان ما نتأخر ونصنع اعذار!

                                                                                             سلطان المسما



 

‏نشيّد صروح العز و الطوب يلحق طوب
‏مدام الولي كاتب لنا خير بنتمه
‏ولا نرتخي للوقت / ونحقق المطلوب
‏يوم اللاش متواكل على خاله وعمه

                                                                                                   ‏‫بدر الكبيح

 



 

‏على البال لين الحين لو الغياب سنين
‏بعد شوفتك صدفة فلا تسأل شجابك
‏يا شين الزمان ان كان ما رجع الغالين
‏ويمرونك احبابك ولا كنهم احبابك!

                                                                                              نايف بن مطيع



علمتني ( سود الايام ) بألوان اخوياي
‏وضيعتني بيض الايام مفهوم الخوي
‏اثرني ضايع مع الدرب وامشي في عماي
‏بالطريق المنجرف والرفيق الملتوي

فلاح بن ذروه



‏انا اللي لابسه حزني عشان ادفى
‏دموعي من حرارتها تدفيني
‏عيون الذكريات بداخلي تغفى
‏يصحيها الحنين وهي تصحيني

‏‫حنان العدواني‬



‏ماهو حكي يكثر يقل
مابين بعدين وإذا!
‏انا أحبّ بلا عقل
‏عادي تحمّلني كذا؟

جودان الرشيد



 

‏اقرى كلامك واتمـعن حــروفك
‏لكن طرا لي بيت عقب القراءه
‏‏مهما برزت وساعدنك ظروفك
‏اهم منها الموهــبه والكــفاءة

‏‫فالح بن علوان