Get Adobe Flash player

لحن القصيد

 

حادي العيس للضيقة بصوتك مواري
            وط نبرة لحون الحزن والا اختصرها
كن حديك يعايدني بعيد إنكساري
        (وسعة الصدر)  صدر المهتوي ماذخرها
قدم سطوة حنيني ماتفيد المذاري
               كل نية صبر لا وقفت له .. كسرها
كنت اداري بحر شوقي ولا كنت داري
                  إن الاشواق كبتتها تهيّج بحرها
ااه من كذبة امالي وصدق إنتظاري
             يوم اسيّر على باقي سوالف حورها
فتنة ٍ وقفت بين المها . والعذاري
               واستراحت علي قلبي وفلّت شعرها
علمتني . على شوح القدم للمساري
           وتركت عيني امن الشوق تقتص اثرها
مزنة ٍ تحري بديمه . وسيل . و غداري
         من يبشر جروح  ارضي ف بلسم مطرها ؟
سافرت واتركت قلبي سفير الطواري
                 ليتني وجهة السفره وسكة سفرها
اتهجا ملامحها واقول . اعتذاري
            السما وش تكون ان غاب عنها قمرها؟
ويش اسوي وانا للبعد مانيب ضاري
                سامح الله صكات الزمان . وقدرها
ليت لي نفس لا عافت . تعاف اختياري
              كان عيني من اللي صار مابطى سهرها

احمد حمد



 

‏خذا الردى روس الرياجيل وترك
‏              راس المعان الطلق والظفر النجي
‏اثنين والنوماس عامل مشترك
‏                وانا على النوماس بيّن منهجي
‏لا ياخوي والمومن آمن ما شرك
‏               قدام لا تلعب على اللحن الشجي
‏كانك خوي .. فنجال وبيالة كرك
                ‏عناّ يسدك فاللزوم .. القهوجي !
‏وليا ارتفع خشمك وعرّم وانفرك
                ‏لا عاد تمدح فالزمان ولا تهجي
‏زال الدريك يجر عمره ما درك
                 ‏يزبن على الضلع المنيف ويلتجي
‏حنا محازم كل خطب ومعترك
‏                عون الرفيق وسعد عين المرتجي
‏‏وحمولنا لا كادت شعيل وبرك
                ‏نشتالها .. ونقوم ونروح ونجي

 

‏‏محمد جارالله السهلي



 

تغريدات
           شعـرية

 

أنا الكبير اللي بعين أمي صغير
‏مهما كبرت : أبقى صغير بعينها
‏لو إمتلكت الأرض يبقى بالأخير
‏أجمل مكان اللي تحت رجلينها

 

‏فهد الفقم



 

‏لله در الوقت علمني اعيش
‏بدون لا احتاج لاحد في حياتي
‏ماعدت اسأل مين او كيف او ليش
‏ولاعدت اقلب في ورق ذكرياتي

‏‏حنان العدواني



 

‏تاخذني الايام بالعسر واللـيـن ..!
‏ويبينـلي طيب العرب من رداها
‏‏كم خابت الهقوى وطاحو من العين
‏اقرب بشر عندي ومكـثر غلاها

‏‏حمود بن دابس



 

إنتظرتك شوق بإحساس العتب
‏علّها الأيام تجمعني معاك
‏وإن تلاقينا إذا ربي كتب
‏كل ماتامر على قلبي فداك

 

سليلة عطا‬

 



 

من فضل ربي مابنا شكٍ وريب
شجعان ولا حنا نهاب المصايب
فينا الكرم والجود ومزارق الطيب
وانزبن اللي من عنا الوقت هايب

فالح مفلح



 

‏امس جيتي على بالي بصورة ملاك
‏ كنتي اجمل من اللحظات وقت اللقا
‏‏و كنت بعلّمك شـ اللي  خذيتي معاك
‏للاسف ما قدرت اقول غير ( اشـ بقى ) ؟

سالم حمد الملعبي



‏حالي بفرقاك حال اللي ما عنده عضيد
‏و إن ضاق من شئ لـد بـ شايبه و إعتزا
‏ونهار عرسه توفى أبوه  وأمسى وحيد
‏وذبـايح العرس قـدمـها ذبـايح عزااء

حمود ابو عوينه