Get Adobe Flash player

لحن القصيد

صبح الغلا،،،

يانور صبح الغلا واضح ومتجلي

ماغيرك انسان شوفه يكحل اهدابي

قطعت فيك السنين ولابرد غلي

من شبة العمر لين الشيب غنابي

يامعتقٍ جسمي ويا ساجنٍ كلي

يامريح عيوني ويا محرق اعصابي

ماعاد عندي سعه بالصدر لو ملي

لاشفت عينك من الضيقه تهقوابي

لاصار بك هم تدري ويش يحصلي

الهم يدفع فواتيره على حسابي

وياوسع صدري لاشفت الخاطر يهلي

من وسع صدرك علي توسع ثيابي

بكيت من قول ابدعيلك وانا اصلي

هي نقطة الضعف يوم انوخ ركابي

تعال عن سطوة الايام في ظلي

ان ماحضنتك غلا ل احلق اشنابي

فراج زايد



 

رحلة العمر ،،،

القدر مكتوب والصبر في مده شحيح

دورة الايام  تمضي وتطوي  ناسها

ليتني لاضقت ! صدري بسدي مايبيح

واكتم احزان المعاليق جوف اقواسها

وليت مالي باب همٍ يجيني منه ريح

كل مااقفل باب بقعا تدق اجراسها

ضايق بعيني فضا الدار لو إنّه فسيح

من ثلاث أيام  ماهب  لي  نسناسها

علموا  نوّارة القلب  والوجه  المليح

جعلني فدوة كدرها وجرح احساسها

الدموع اللي من عيونها النجّل تميح

ماتليق  بسلهمتها  وسحْر  نعاسها

الجريح يزيد  شرّه ليا شاف الجريح

كن روحي لابكت تستضيق انفاسها

ودي اخذ من تعبها تعبها واستريح

مابقالي شمس عقب اسدلت خرماسها

الله اللي راد لوكنت ابااوقّف واطيح

المنيّه  من يناطح  براسه  راسها

إن بلانا الله بها مايصح الا الصحيح

تبشر بروسٍ كبيره تزيل عماسها

علمتني رحلة العمر واليوم القبيح

كيف آقاوم ضيق نفسي وأقوّي باسها

أول الرحله مهد وآخر الرحله ضري

والحظيط اللي لاشاف المصيبه داسها

عبدالله بن مرهب- السعوديه



تغريدات
    شعـرية

 

كان الصراحه تزعل الناس مني
أنا صريح ومغرمٍ بالصراحه
ردوا صحيح العلم مني وعني
بعض المجامل صار كذب ووقاحه

أحمد الطمار



 

لو منت طيّب ولك وقفات ماكان جوك
في وقت محدٍ يعبرهم لقوبك محل
واليوم خلوك ربع المصلحه وجحدوك !!
افضلهم اللي بدون اسباب عنّك رحل

مبارك الحجيلان



الدمع ما اقواه..والحرمان ماليبه
ياليتك اقفيت يوم ان السما زرقا
لا صار بعدك عذاب وقربك مصيبه
اتعب على القرب وإلا اتعب على الفرقا

حامد زيد


 

تغريني حروف الشعركل مااقراه
واهيم  في قافه وجزل  القصيده
اسامره واسرى علي دروب مسراه
وانوخ  المعنى  واجيب  الفريده.!

بروق بدويه



ان كنت مستغرب عشان  اتحراك ؟
حتى انا مستغرب شلون فارقت !
وكانك تحس اني مع الوقت بنساك
انا احس انك بترجع / مع الوقت

سالم حمد الملعبي



 

ماتت ازهور .... المحبه من سنين
صاحبي لايكون ما تملك شعور؟
ضمني واشهق على صدري إلين
ينبت بصدري من ادموعك زهور

 

فهد الفويطر

 



انا غرامي كل ما لاح لي برق
    يطريلي المقناص وملاعب الطير
اسج في قفرن تلاحن به الورق
    اعن له مايقطع الدرب و السير

عايد المحيلبي