Get Adobe Flash player

لحن القصيد: فرقا وغروب

الشعر إحساس يتغنى به الشاعر على لحن الحياة المليئة بالمواقف الاجتماعية منها والغزلية والمديح والوطنية ويترجمها الشاعر بقصيدة مقفاة وموزونة وذات معنى لتصبح قصيدة تحمل طابع الجزالة والابداع، ولكل شاعر لونه الخاص. 

 

فرقا وغروب

‏يا ليت ما فالعمر فرقا / وموت / وغروب
                   ‏لـَ كان كل الاماني والوعود .. ازهرت
‏وياليت وجه الجهات الأربعه ، للجنوب!
         ‏و من وين وجّهت وجهي ( اسفرت وانورت)
‏يسقيك ياوقتنا اللي فات غيث النصوب
                ‏انفوسنا قانعه بك ، واحمدت واشكرت
‏مْن اول ادل .. لو إنها تضيع الدروب
‏            واللحين حتى البسيطه في عيوني صغرت
‏يقسى فوادي ، إلين اقول مخلوق طوب
               ‏ويلين ، واقول : لا والله علومه سرت
‏وانا لو يمرني صوت الحزين الطروب
                ‏طرت على بالي أشيا عمرها ماطرت
‏وقامت تفلّ الجروح الزرق من كل صوب
                 ‏عنّكنها مابرت .. وانا أحسبنها برت!
‏البنت غيمة مشاعر في يدين الهبوب
‏             إن اضحكت امطرت ، وان ازعلت امطرت

نجــلا

 



 

ضيقة صدر

عن كل حاجه جابها الوقت مشكور
                       عشت ودفنت احلامي اللي توفّت
غصن الحنان اللي ربت فوقه طيور
                     مرّ الهوى الصلف اجنحتها ورفّت
تروح منْه قلوب وتلفّ وتدور
                        وتعود مهمها عنْه دارت ولفّت
الصدر بيت اغراب واللي ورى السور
                          نْفوس متعبها الحنين وتعفّت
احبابي يْروحون ويجون بـ الدور
                      واقف / واشوف ازوالهم لين قفّت
فقدتهم والدرب موحش ومهجور
                       حتى خطاويهم مع الريح سفّت
الراحلين اللي خَلَت عقبهم دور
                       اسمع صدى ضحكاتهم واتلفّت
اللي ورى بسماتهم كان / مغمور
                       حتى ارتوت منه الكبود وتشفّت
ماعاد باقي نبض واحساس وشْعور
                          مرّوا على نبع الروافد وجفت
مثل الظلام اللي رفع قيمة النور
                      لين لْبست وجهه قلوب / وتخفّت
عن كل خيبة ظن / طيّب وماجور
                         الناس والايام كفّت ووفّت
الوقت يرفى جرح ويجبّر كسور
                           ضيقة صدر والحمد لله خفّت

سالم حمد الملعبي

 



ان بغيت تحب حب اللي يحبك ...
وان بغيت تموت موت بحاجتين
موت في دينك وقلبك صوب ربك ...
وموت في خدمة هلك والوالدين

محمد الصواغ



أمطر على قلبي من الشوق والذوق
أنا تراني في غرامك عفيفه..
جفّت عروقي وجد لو هلهل الموق
وأدناة ماهزّ الضلوع الرهيفه..

ترنيمه العتيبي



يوم شفت الشمس مالت للغروب
والليال  السود  تزهم  للعتام.!
ماكرهت من البشر غير الكذوب
والمنافق.  جعل  بيته  للهدام.!!

بروق بدويه



ردت ايام الفرح من عقب غيبه
ويكتب الله الفرج مع كل صابر
مثل ما احنا قلب واحد فـ المصيبه
قلب واحد بفتتاح ستاد جابر

حامد زيد



للحين باقي مقامك يارفيع المقام
المرجله طلتها / والطيّبه نلتها
لامر طاريك قدامي عليّ الحرام
مافيه كلمة ثنا أو شكر ماقلتها

مبارك الحجيلان



قسيت قلبي بظلمك وانـتى ماتـدري
بفعالك اللي تعلمني علـى القسـوه
طولت بالي عليك وملنـي صبـري
واقول يمكن تعـود ايامنـا الحلـوه

علي السحلول