Get Adobe Flash player

لحن القصيد : طال السمر

الشعر إحساس يتغنى به الشاعر على لحن الحياة المليئة بالمواقف الاجتماعية منها والغزلية والمديح والوطنية ويترجمها الشاعر بقصيدة مقفاة وموزونة وذات معنى لتصبح قصيدة تحمل طابع الجزالة والابداع، ولكل شاعر لونه الخاص. نرحب بكم ويسعدنا أن نتلقى طلباتكم واستساراتكم واقتراحاتكم على هذا على هذا الاميل:

 

طال السمر

‏طال السمر والفكر لبااه القصيد
                   ‏مع هاجسن لا حام طيره هدّها
‏شعرٍ زهى بالعقل وازهاه النشيد
                  ‏بالصوت موتورن على ما ودّها
‏دام القصايد من مدادي تستزيد
                      ‏للحرف اوصلت المعاني حدها
‏تربى بروضنٍ اهتنى العشب الرغيد
                   ‏من مزنةٍ فيها الهواجس رعدها
‏هز الهوى طرياه بالطرف السهيد
                  ‏غصبٍ على الاطياف توفي وعدها
‏طارِي غلا ماهوب عن بالي بعيد
                         ‏فيه المشاعر بايحاتٍ سدها
‏ان قلتها حرية الاهات قيد
                         ‏لكنّ مايخفاه خافي قصدّها
‏الريح كم تلعب باعصاب الجريد
                      ‏والنخل ميلات الاماني هدّها
‏لو كان من محصولها طلعٍ نضيد
                   ‏هذا الهوى مثل الجمر في كبدها
‏جمرٍ تسّعره الدقايق في الوريد
                           ‏وتزيد تنهيد الحسافه وقدها
‏في ذمتي حتى ولو بالي شريد
                          ‏شرارة الذكرى تقدّي زندها
‏يوم أأتمر بي الشعر قيفاني عبيد
                     ‏لكن بعض احيان شعري عبدها
‏غريبتن والبوح اقرااك المفيد
‏                     غير التحايا اللي قبالك ردّها !
‏كم قالها فهد وتغنّااها سعيد
               صدتعني‬، يا هوى وش ردّها ؟؟

‏‏عنود الصيد‬



يا مدور عيوب

يامدور عيوب خلق الله وكلك عيوب
                     إبدى بنفسك وعقبه دور عيوبها
محدٍ بهالكون كامل غير منشي الهبوب
              وراك تبحث خوافيها ،،،، وعذروبها
منتب وليٍ تحاسبهم ولانت امغصوب
              ان ماخسرت الصداقه تكسب ذنوبها
الظن له وجه متسامح ووجه شحوب
               والناس ماتعرف اللي داخل قلوبها
احدٍ يجي صادق الكلمه والاخر كذوب
                وناسٍ ترزز بثوبن ماهو بثوبها
واحدٍ طريقة كلامه عن صفاته تنوب
              بعض الاوادم تبين لك من اسلوبها
إتعب على من يدلك لافقدت الدروب
               لاضقت يدعس لك الضيقه ومندوبها
واللي تظنه بيفزعلك وسجل هروب
                سجل عليه القطاعه واعلن حروبها  
وان حاشك الظلم لاتجزع ولانت امغلوب
                     النفس لابدها ترضى بمكتوبها
تأكد الصدق لو يقعد سنين محجوب
            تشرق له الشمس مهما طول غروبها
ودع الخلايق لخالقها وخلك طروب
              ترى التجاهل علاج النفس وحبوبها
من راقب الناس وعيونه عليهم تجوب
               يموت ضايق ولاهو قاطع دروبها

مبارك الحجيلان



تغريدات
    شعـرية

من واقع « التجربه « والصدق والأحترام
فعايل « الطيبين « تعيش  ماتنمحي !!
ومن واقع الكذب ، والتطبيل والأنفصام
في تالي الوقت نص الناس ماتستحي  ؟؟

علي سعود بوضريس

 



 

الرزق ماهو في يدين الآوادم
الله هو اللي لا رزقني رزقني
على مديح الطيب ماني بنادم
لو ان هرّاج المجالس لحقني

صلاح البريكي



‏صريح .. و مخلّي المجامل يولّي
وعلى كثر ما أزعّل الناس .. مرتاح
ترى الرجال أنواع .. وأطيبهم اللي
لا طاحت عزوم الرجاجيل ما طاح

فهد الفقم



‏على كثر التعب ، واقف ولاني طحت
وانا اشوف ( الحسد ) غطى ملامحهم
بـ وجهي ، مالهم حس وليا من رحت
كلوني بــ الكلام .. الله يسامحهم !

جراح بن عمار



وقفي ياخطوة الساق في روس الرجوم
لاتسوقين القدم للطريق الجرهدي
الزمن ذل العزيزين وأعز الرخوم
يفعل الطيّب ومن يكسب المدح الردي

فهد عوض البريكي



الرفيق ان صد دون مقدمات
انتلمس له عذر حتي يعود
وان رجع عقب البطا مافات مات
مانزيد الهرج ونبيح السدود

ضاري الشبو



اف .. ياليت المواصل بالتمني
واه .. ياكثر الكلام اللي بقوله
قال اروح وقلت روح وراح عني!
ما هقيت ان الفراق بهـ السهوله

أحمد المسفر



آمنت ب ان الحب تجنيد الارواح
يعني مصيري يرتبط مع مصيرك
لذا ولو نزعل ، ترى قلوبنا اصحاح
وميّاحتك قدها على جال بيرك

نجلا