Get Adobe Flash player

لحن القصيد :الكبر عماها

اللي تمادت «.. وقام الكبر يعميها
مكتوبها بان مضمونه ، وعنوانه
ماني براسلّ لها «.. ولا محاكيها
ولا هيّ بصادق الهقوات ، ولهانه
ياجايب العلم «.. وش لك في طواريها
سرحانة العشق ماهي بأي سرحانه
تلعب على الورد «.. وتقْطّعه بأيديها
وتمر عند الشجر ، وتكّسر أغصانه
تضحك على نفسها «.. وتغّش مغليها
لكن سلطان كاشف لعب ، سلطانه
حط القدر مرّها «.. من دون حاليها
وأشتالها طاير الفرقا ، بجنحانه
عمّهوجة ٍ لو تبّجح في «.. مماشيها
ماهّزت اللي فتح للعز ، بيبانه
النار ماتحرق «..إالا رجل واطيها
يقولها شاعر ٍ ، صح الله السانه
العام كان الغلا ياخذ «.. ويعطيها
اللي لها بالمحاجر ، عين شيهانه
لبيه لو تطلب امن البحر «.. البّيها
أغوص واجيب لولوّه ،، ومرجانه
واليوم سيف الجفا ماهو «.. بمخطيها
شموخ قلب العزيز يموت ، ماهانه
مغنيني الله وهي بالمثل «.. مغنّيها
يقولها عاشق ٍ،،، صح الله السانه

حامد حويان

 



 

سهرت ليل الشتا

 

سهرت ليل الشتا وانجومه اسراجه
ماهو سهر عشق وافراق المحبيني
بالصدري نارن من الضيقات وهاجه
والصمت عيا يعالجني ويرضيني
لولا الامل ما انتظرت الصبح وافراجه
ولولا الحيا ماسجنت الدمع في عيني
ماكدر الخاطر وما زود ازعاجه
الا امورن بوسط الصدر  تكويني
لا شفت محتاج وانا ما معي حاجه
اصد من ضيقتي واصفق ايديني
الناس ماتعلم الخافي وهراجه
تجرحك بهروجها ،، ماهم بدرايني
الوقت ماهو بدايم يضحك احجاجه
يفرحني ايام وايام (ن) يبكيني
كم شفت في دنيتي امور منعاجه
ناسن علوم الردا تضنها فيني
ماينفع الناس سوء الظن وانتاجه
ومايذبحك غير من يتبع ردييني
يطيب لي راعي النوماس منهاجه
ان غبت يسال ولامن جاء يهّديني
هذاك لاجا ربيع القلب واعلاجه
افخر بخوته يوم الضيق مشقيني
والطيب ماجهل مداخيله ومخراجه
والمرجله ادروبها بدنياي تعنيني

فالح مفلح

 



 

           تغريدات شعـرية

 

ربعٍ دروع و ربع فـ الماقف سيوف
‏و ربعٍ اليا صكت بك الدنيا .. هفو
‏لاشانت ايامك وحدتك الظروف
‏يصد ولد اللاش و يبين .. الكفو

مبارك الحجاج

 



 

‏غير الله اللي خالقك .. لا ترتجي،
‏خلك مع اللي .. كل عين  تخايله،
‏اليا كتب لك ربك الرزق .. بيجي،
‏وان ما كتب لك رزق .. منت بطايله،

حامد زيد



 

‏طيّرت سرب الطموح لْـ آخر آفاقي
‏وحظوظي النايمه ماتدري بعلمي!
‏لو راح من عمر حلمي باقي / الباقي
‏و الباقي أكبر من اللي راح من حلمي

فلاح بن ذروه



 

‏فرحت / يوم ان الصدف جابتك ليّ
‏وحزنت .. لنّي مـ اقدر اقول حاجه
‏إلى متى و قلوبنا تنتظر شي!
‏شرايك نخون الصدف و نْتواجه؟

سالم حمد الملعبي



 

تدري وش اللي في غيابك فقدته
‏كلمة عسى ماشر وش فيه صوتك
‏اذا شعرت بضيق فجأه ذكرته
‏واذكر معه حزني وقسوة سكوتك

ضي الفكر



‏والله ان فيني من الدنياواهلها غصّه
‏لو مابانت وسط صوتي بينت فـ الصوره
‏حالتي حالة سجين ٍشرعّو في قصّه
‏يبتسم للي يزوره والبكا في زوره

عبدالله السمين



 

عجل علي وهات فرحة عيوني
‏تعبت الّمح لك من بعيد ﻻ بعيد
‏أنا من أسبابك وصلت الـ جنوني
‏وأنته تواعدني من العيد للعيد‫

عبير العتيبي