Get Adobe Flash player

عطيت

عطيت ما قصرت طيب وبعدين
اليا متى بعطي ولاحدن عطاني
شوفي وصلنا وين؟ وكنـا قبل ويـن؟
منهو خذاك انتي؟ ومنهو خذاني؟
ما هو اكيد انك بديتي تخونين
لكن قسم بالله في شخص ثانـي
ماعاد تفرق جد وياي هالحين
مـعاك اعني وان تركتك اعاني
ضاعت من سنيني هدر خمسة سنين
ابلحق اللي فات كانه مداني
مدام عندك طيب القلب مسكين
حاضر بصير انسان مثلك اناني
تدرين لا والله ما ظن تدرين
اني بنيت احلام فيك واماني
انا عشانك بعت دنيا وغالين
انا نسيت اللي ابد ما نساني
انا على خدي جرت دمعة العين
انا خسرت سنين ماهي ثواني
انا حفظتك سر في داخلي لين
كتبت فيك الحب شعر وقراني
انتي خــــلاص الحين لازم تروحين
بس احفظي هالبيت هذا عشاني
باليوم هذا سجلي بين قوسين
(خسرت انا في قلب ثامر مكاني)

ثامر شبيب الدقباسي



ما بحت

يبيح الجبـــــل للغيم الاسود وانا مابحت
ليا طــاحت دموعي تـحت هقوتــي ترقـا
ياريـح الشمال اللي بعطر الحدايق فحت
انـــا ماتبع المقفـــي ولا اجاوب الورقــــا
لــو انك ليا مــريتني يالهبــــوب، ارتحت
لكني من طعــون الهــــوى صدري معرقا
عديـم المشاعــر مـ انت كفـو الغـلآ لو نحت
توقعت اكبــــر من مكانتك ذي وارقــى
خسرت النفوس الساميه لان نفسك تحت
وكســرت القـلوب اللي عقب غيبتك حرقــا
لك الله لـ تبطــــي ماوفيتــك ولاســامحت
ولا ارجــع لو أن عيون بدمعها، غرقــا
ولو ان بجمالك كل ماقبلت صوبي ،،لحت
اشوفك (غمامة صيف) دون السما الزرقا
انـــا خابــرك بتروح لكـــنّ شفنــي رحـت
سبقتك علــى الحب وسبقتك على الفرقــا
لأنكــ بعد ماكنت في وسـط عينـي طحت
ومــن  طــاح من عين الرياجيــــل مايرقــا

 

حمد الجودان



 

‏والله أني لا (تذكرتك) تبي تذكرني
‏وشرهتك من قلب منصح تُستحب وتاجب
‏‏ولاأتصلت أنشد عن علومك فلا تشكرني
‏والله أن مواصلك يا(اخوي) حق وواجب

فهد عوض البريكي



‏تِشْبع  ابن آدم مقادير الزمن و تجوّع
‏يا تحاقر شبعته / وإلا تكاثر جوعه
‏يستمر العمر و احداث السنين تروّع
‏نفسها احداث السنين اللي تهدّي روعه

سالم حمد الملعبي



‏سهله شعورك تجرحة زلّة لسان
‏لاهي بمقصودة ولاهي بعَسره
‏‏الموت لاصار السبب زلّة انسان
‏حط  بطريقك  للفرح ألف عَثره

‏يحيى بالحارث / السعودية



 

‏الحمد للي ما يضيع الثنا فيه
‏يومه عطاني من جزال العطايا
‏اخذت من در الجمال و معانيه
‏واصبحت جمره في عيون الصبايا

هند



‏اهل الحسد نقص ما والله يزيدونك
ناسٍ فرحها على دمعة مواجعنا
شفهم على ضحكة ايامك يحسدونك
لو رزقنا في يديهم يالغلا جعنا

ضاري الش



 

ياللي تعاتب وجود الدمع في عيني
‏ماعاد فيني علي كثر الحزن طاقه
‏احيان ودي من الضيقه.. اخليني
‏واشوف لي شخص ثاني واسكن اعماقه!

نجلآ‬



‏ضايق من الناس والدنيا ومن نفسي
‏ما عاد بالكون كله .. شي يغريني
‏‏الحال نفسه .. ويومي يشبه لأمسي
‏وباكر أحسه مثل هاليوم في عيني

جمعان وقيان



‏يامعاندني على قل اسنعك
‏ماحدن كامل ولله الكمال
‏لاتكابر  لو تبيني  اقنعك
‏استمع بإنصات وبليا جدال

‏‏محمد دغيم