Get Adobe Flash player

سمو التواضع

 

ياكويت والعيد عيدك يابلاد النهار

                             وفي يوم خمسه وعشرينك علينا عهد
إنا نصونك من الاعماق ماهو شعار
                             وانا نعينك على الازمات يا اغلى بلد
وانا نضحي اذا صحتي لنا بالعمار
                              عشان تبقين نصبح لج حزام وسند
وانا نطرز لك الاشعار في كل دار
                         والشاعر اصلاً صعب يوفيك مهما قصد
افعال ماهو كلام ولاهو ابرد ثار
                             لأن الكويتي أصيل ولايخون الوعد
واللي يبي موقفن ثابت ورد اعتبار
                           يزهم اكويتي ويبشر بالرضا والسعد
ياديرة العز واليامال والانتصار
                              يامجد الاجداد بايام الشقا والنكد
ياموطن الخير يادار الوفا والقرار
                        حتى صحاريك في عيني خضار وبرد
صحيح نبعد ونرحل من ديار لديار
                       ويردنا الشوق لاحضانك ولانبتعد
قادك سمو التواضع واستمر المسار
                     في عز ابو ناصر الديره نعيم ورغد
قادك سموه وحنا من كبار وصغار
                     خلفه وندعي عساه يدوم عمره مدد
قادك بحكمه وحنكه ماعليها غبار
                  على نهج جابر العثرات ويا سعد
ياكويت غني وغني وافرحي بافتخار
                  غني وحنا معك يالغاليه للأبد
عساج دايم بخير ودايمن في عمار
             وادعي عسى الله يصونك من عيون الحسد

مبارك الحجيلان



 

كويت العز

بدا برق القصيد ايلوح لين انهل همّاله
                 على ضلع الهجوس الصعب حتى سال واديه
هجوس(ن) هيضّه حب الوطن في مجمل أحواله
                  ولاهو سمعت(ن)ورياء ولاهو لأجل ماديه
تطاوعه المعاني طوع في حلّه وترحاله
                 لقى ثم انتقى له في بيوت(ن) غير عاديه
عسى ربي يحفظك يا كويت العز وهلاله
                  في ظل القايد اللي عاش شخصيه قياديه
صباح الاحمد اللي حاسب أبناء شعبه عياله
                    مواقيفه تسر الشعب حضره مع بواديه
وقف وقفات مخبوره وجباّره وفعاّله
                       ثقافيه سياسيه اجتماعيه اقتصاديه
رفع شان الكويت بحنكته وسياسة أعماله
                      بفعل الطيب والمعروف تسمو لا اراديه
بفضل الله شعبك يالكويت امريّح وداله
                     تسيّد وأصبحوا ساده فالأمور السياديه
حماك الله من شر البشر لا شانت أفعاله
               ومن شر القلوب السود وقلوب(ن) رماديه
كويت الخير عون المسلمين وعون من جاله
               وعون(ن) للشعوب اللي تواجه حرب إباديه
كويت الخير عون المضطهد في الوقت وأهواله
                 عسى الله مايعرض موطني للاضطهاديه
وانا شاعر بدا برق القصيد يلوح في باله
                  لقى ثم انتقى له في بيوت(ن) غير عاديه
على شان الوطن هاض الهجوس وهل همّاله
                  ولا هو سمعت(ن) ورياء ولا هو لأجل ماديه

                                                                                                         حمد بن معترم



 

القائد الانساني 

‏موسم مطر نفرح بـ لمحة هلاله
                 ‏محرين به ننطر بداية حلوله..
‏هلّ الشهر تكريم لأهل الجلاله
            ‏شيخ الكويت و ذخر من ينتخوله
‏أخلاقه الدمثه.. دليل اعتداله
           ‏وأفعاله الجزله/ دليل الرجوله..
‏واللي جهل قدره فلا طاب فاله!
             ‏قصير يد.. ولا مقامه يطوله..
‏أمير قومٍ لو تمايل عقاله..
             ‏يميل طنخه من وفاه ودْلوله!
‏رجلٍ على الحمل الثقيل ارتكا له
‏           ثم شال همّ الشعب يسر وسهوله..
‏مغنى الضعيف اللي لفاه وشكى له
          ‏ملفى البعيد اللي تسوقه ذلوله..
‏من سار يقصد بيت عزّ وشكاله
         ‏حطتّ رْكابه عند مربط خيوله..
‏يستاهل أنه قايد وراس ماله
          ‏شعبٍ وفيّ ودايم الدوم حوله..
‏وحنّا من الشعب المجاور عياله
           ‏نفرح ليآ شفنا المعالي تنوله
‏من ديرة آل سعود سقنا الجزاله
          ‏بأسمى معاني الود حرفٍ نقوله
‏هنيّ شعبه في رفاه ودلاله
           ‏وهنيّه بـ شعبٍ حبيبٍ وفوا له

‏ترنيمه العتيبي- ‏السعودي



 

دار الصباح

‏ياديرة العز الأبي دار الأكرام
                        ‏يامنبر الوحده و نبع الكرامه
‏دار الصباح العز من صبح الإسلام
                 ‏رايات منصوبه على كل هامه
‏كل عام وانتي العز والعز كل عام
                    ‏يفرش لك الديباج والماس خامه
‏يافاتنه يا حاضنة علم واقلام
‏                     ياللي بشعبك فارقه بالعلامه
‏اهلك لنا عزوه وحن إلهم حزام
‏               يا أهل النقى واهل التقى والشهامه
‏كل عام وانتوا العز والعز ذا العام
                  ‏راسم على كل الوجيه إبتسامه)

عنود الصيد‬



 

يا كويتنا (يادرّةٍ) بين الديار
مايوصفك شعرٍ من حروف ونقط
ياموطني طول العمر جعلك عمار
وافراحنا ما هي بـ فبراير فقط

احمد الدواي



 

هاﻻرض لوهي تراب وليلها حالك
نموت فيها غلا وبحبها نكابر
يا دار حنا ذراك وبالوغى رجالك
والشيخ  فينا صباح الأحمد الجابر

عبدالله بن جريان



 

خمس وعشرين عيدك ياوطن ياغالي
وسته وعشرين تحريرك من المحتلّي
رفرف البيرق شموخٍ في سماك العالي
يا كويت العز يا شمس النهار وظلّي

خالد بن سكران



 

يا دارنا ... بالفرح والخير معمورة
والله يديمك لنا في ضل قادتنا
في حكم ابو ناصر اللي ناخذ بشورة
من حكمته لـ حنكته تمشي مسيرتنا

نايف بن مطيع



 

‏من  كثر ماني  بحبك    وأعشقك    يالكويت
‏رحت أنسج الشعر بالتاريخ  في كل عام
‏خمسه وعشرين غنيتك بها بيت بيت
‏وسته وعشرين تحريرك بعز و وئام



‏عبير العتيبي‬

‏كل عام وكل عيد وكل حزه
‏والكويت الشامخه للمجد هامه
‏البلاد اللي لها قدر ومعزه
‏ياعساها بخير وبعز وسلامه
‏بروق بدويه