حبيبي امس وجروح الليال الماضيه والبوح

معا ذكراك مروني ولا ادري ويش داعيها
وطرت لي كل ليله كان يطولها الزعل ومزوح
تقصرها ليامنك صحكتي في ثوانيهاا
حبيبي بعدك يجرح وقربك بلسم المجروح
وفيني جرووح من فرقاك تبغي من يدويها
انا ماني حمامه كل ماضاقت علي انوح
ولا باكبر همومي فروخ مدري ويش اعشيها
انا حرن على الطاله عجز من صيده الطاروح
أيعشي كل ما يفشل محابيله ويدميها
عرف لصيد من جوعه ماهو تعليم دس ولوح
كفوفه من دمي الصيد لا صاده ايحنيها
يا اجمل شي فدنيا تبي اسكت قسم لا ابوح
عن الي لون صور الحياه فعين رائيها
يا ان طينك معه ماء ورد اوانك منخلق من ضوح
لن وصوفك الغره ما نلقى من يحاليها
تعابير ال أحبك لا نطقها صوتك المبحوح
تسااوي كل جملة حب سامعها وقاريها
حبيبي ما بقالي ليل ما لوحت لي بتروح
سوا شنطة حزن جامع جميع جروحنا فيها

فهيد بن صبيح

---

---

 

صاحبك لا شان وقته وحدته الظروف
ما شكى من طعنة الوقت لو هي توجعه
ايتحدا جور ...الايام ولو جاته صدوف
وكل ضيقٍ لا تزايد يجي... عقبه سعه!
ما تزحزح من رفيقه لجا لز الكتوف
عقب الي لزهمه صاحبه ما ينفعه
لجل عين الصاحب انسوق بنفسنا الحتوف
ودي اني اموت..... دونه ولا قصر معه
والله انا لا عطينا مايلحقنا الحسوف
ويش داعي جمعت المال في غير سنعه
ماحسبنا ..،  لـ الدنانير ولا للألوف
علم اللي يجمع المال وش له يجمعه
كل صاحب لا تقدم ونوى بالنكوف
كان مايمنعه طيبه .. ترانا نمنعه
وان خذوه اهل الردى لين حدر بالجروف
جيت اشله من طمانه واعينه وارفعه
يا رفيقي كل شيً معي يمكن يطوف
واتغضا بعض الاحيان كني مسمعه
جعلنا لخطا السنافي عيونن ما تشوف
ما تدقق فالخطاوي .. وقل المنفعه

سلطان ال شريد

---

---

 

تغريدات
           شعـرية

خذني بأحاسيسك على كل اتجاه
يا شمس عمري بالحياه و ظلّها!
انا على قيدك ، ما هو قيد الحياه
لأنّك أكبر .. من حياتي / كلّها!!

 

فيصل بن دبيل

---

---

                      
ترى من حب مايقدر على النسيان
اقول انّي نسيت ، وما تهيّالي!
من الضيقه احس اني بدون لسان
من يقول الكلام اللي على بالي؟

سلطان المسما

---

---

        
كلامكم في نحور الناس مثل الرصاص
ذي كلمةٍ مقفيّه ذي كلمةٍ لافيه
ياللي شذبتو عراقيب الاوادم ، خلاص
لا بـ قربكم «عافيه» ولا بعدكم «عافيه»

مشعل بن مهيلان

---

---

 

يدين الرخوم اللي عطاها شويّ شويّ
غنيين ما نبغى العطى من شويّاها
تحت ظلّ عرش الله وقفت ورفعت إيديّ
وإذا حاجتي مقسومةٍ لي أبلقاها

فلاح بن فاضل

---

---

كل ماصورت قالو لي .. منور
وابتساماتك .. بعيد الحزن عنها
ومابتسمت الا على شان المصور
والمصور بسمتي؟ ياخذ ثمنها

محمد الرفيدي 

---

---

 

فدا خوة اهل الطيب خوتك يالبوار
رجالً كثير المدح طيّب عمايمها
في درب المراجل كل كيلو يجي دوار
يديور معه ناسً تردت عزايمها

محمد السبيعي 

---

---

 

لا تحسدون  اهل «الحظوظ الوافية»
سوؤ سواتي في  حياتي ..واكتفـو
محتاج فوق الارض  «ستر و عافية»
ومحتاج يوم العرض  «غفران  و عفو»

تركي بن حصين 

                      
 

---

---

                      
مادلهنا في الزمان اللي تهب رياحه
والمهبّل دالهين (الله يرفع عنهم)
خل عنك اللي يقول أهل العقول براحة
والله ان أهل الهبال براحة اكثر منهم

حزمي بن سعد

^اعداد

^{فهد العجمي} 

^{وزارة التربية}